منتديات العمالقة

دخول

لقد نسيت كلمة السر

المواضيع الأخيرة

» دروس علم بلصوت والصورة مع طرح اسالة.والاجابة عليها.
الأربعاء مارس 02, 2011 2:41 pm من طرف الكومبل

» علاقم المسيح الدجال ومثلث رمودا بل ايات القرانية واللة اعلم
الأربعاء مارس 02, 2011 2:35 pm من طرف الكومبل

» أصل اللغة العربية وتطورها
السبت يونيو 13, 2009 12:09 pm من طرف Admin

» سعيد بن عامر الجمحي
الأربعاء يناير 28, 2009 7:03 pm من طرف weboo

» روائع الأخلاق
الأربعاء يناير 28, 2009 6:17 pm من طرف weboo

» (( خبيب بن عدي))
الأربعاء يناير 28, 2009 5:37 pm من طرف weboo

» المنقب القرآنى
الأربعاء يناير 28, 2009 2:08 pm من طرف weboo

» القران كامل بصوت 15 قارئ
الأربعاء يناير 28, 2009 1:34 pm من طرف weboo

» تفسير القرآن الكريم كاملاً في 2 ميجا
الأربعاء يناير 28, 2009 1:30 pm من طرف weboo

أفضل 10 أعضاء في هذا المنتدى

مكتبة الصور



    شرح هام للتورنت

    شاطر
    avatar
    Admin
    Admin
    Admin

    ذكر
    عدد الرسائل : 225
    العمر : 46
    العمل/الترفيه : طالب
    البلد : مصر
    الهوايات : القراءة
    الوسام :
    اختر ناديك المفضل :
    اختر علم دولتك :
    احترام القوانين :
    تاريخ التسجيل : 13/06/2008

    شرح هام للتورنت

    مُساهمة من طرف Admin في الإثنين أغسطس 18, 2008 9:44 am

    عالم فريد و غريب
    بالفعل لا يمكن الاستغناء عنه

    بداية انا هاتكلم باسلوب مبسط بحثا عن الافاده وخاصة للمبتدئين


    التورنت مش برنامج وانما نظام بالبلدي كده زي شبكه
    بتعتمد علي التعاون و كل مازاد عدد اللي بيحملو ملف معين
    بتلاقي السرعه زادت بمعني انك بتحمل و ترفع في نفس الوقت
    وشخص اخر بيحمل و يرفع و هكذا


    زي ماقلنا استخدامه سهل جدا وطبعا اول شئ هنحتاج البرامج
    اللي هنشتغل بيها
    وانا رأيي الشخصي برنامجي UTorrent و Azureus
    هما افضل برنامجين في برامج التورنتات " رأيي الشخصي "


    ــــــــــــــــــــــــــــــــــــــــــــــــــ ـــــ


    اولا برنامج Utorrent وهو اللي حاليا باشتغل بيه


    ــــــــــــــــــــــــــــــــــــــــــــــــــ ـــــ

    و ال Azureus



    لتحميل آخر اصداراتهما ادخل هنا

    ~¤®§(جميع برامج التورنت بإصداراتها الحديثة *متجدد*)§®¤~



    و تنصيب اي برنامج من الاتنين عادي زي ما بتسطب اي برنامج
    وبعد نهاية التنصيب بتظهرلك نافذة اعدادات السرعه
    اختار سرعة الدي اس ال الخاصه بيك كما موضح



    و سيب كل حاجه زي ماهي


    تمام كده يا معلم Smile
    قلنا هنشتغل علي برنامج Utorrent
    وخلاص اخترت سرعتك و دوست Ok

    دلوقت انت عندك البرنامج و كله تمام
    مش عارف تعمل ايه بعد كده .. !

    اول شئ انت لك هدف و هو مثلا انك تحمل فيلم او لعبه

    وعلي سبيل المثال هنختار فيلم Desperado اللي هو بتاع انطونيو بانديرس << يسوي دعايه لوول

    هنروح علي برنامج ال Utorrent اللي احنا حملناه
    وفي مربع البحث هنكتب اسم الفيلم اللي عايزينه

    أو طريقه تانيه انك تروح علي موقع mininova.org/
    وتسوي بحث بالحاجه اللي عايزها

    المهم كتبنا اسم الفيلم
    و دوسنا انتر Enter علشان يبدأ البحث
    اتفتحت تلقائيا صفحة نت و فيها النتايج
    كما موضح



    طبعا نتايج كتيره لاي حاجه هتسوي عليها بحث
    فهنا طبعا هنستخدم مخنا شويه
    انا عايز فيلم يعني بالانجليزي Movie

    يبقي اكيد هأضغط علي Movies
    علشان النتايج تطلع للافلام بس مش العاب او برامج



    وطبعا كل ما كان الانجليزي بتاعك كويس كل ماكان احسن
    يعني لو لاقيت فيلم مكتوب جنبه dvd يبقي جودته كويسه
    لو لاقيت جنبه French يبقي اكيد لغته فرنسي
    الحجم الطبيعي للافلام 700 ميجا او 1.3 جيجا بايت علي حسب مقسوم جزء واحد او اتنين

    وهكذا نستخدم مخنا Smile


    ـــــــــــــــــــــــ

    يبقي ملخص اللي عملناه ببساطه
    1- حملنا البرنامج
    2- اخترنا سرعة ال دي اس ال من البرنامج
    3- كتبنا في مربع البحث الفيلم اللي عايزينه
    4-ظهرتلنا النتايج


    دلوقت ضمن النتايج لاحظت ملفين اكبر احتمال انهم الفيلم
    بجوده عاليه و انجليزي و بالحجم الطبيعي 700 ميجا



    بس لان الفيلم ده قديم شويه ف عدد اللي بيحملو قليل
    هابقي اضربلكم مثل علي حاجه تانيه لتوضيح اي الملفات اللي اختارها عند تشابه النتايج
    المهم

    هاضغط ع النتيجه الاولي
    وتلقائيا هاروح علي صفحه تانيه زي ماهو موضح بالصور
    هاختار منها Download This Torrent كما بالصور



    واختار Save



    طبعا التحميل مش هياخد وقت
    وهتلاقي ظهرلك ملف التورنت علي سطح المكتب زي ماهو موضح



    وهتلاقيه واخد شكل البرنامج بتاعك
    بمعني لو انك بتستخدم ال Utorrent هتلاقيه علامه خضرا نفس شكل البرنامج
    لو بتستخدم Azureus هتلاقي علامه زرقا و شكل ضفدع

    المهم

    هاضغط عليه و طبعا هيتفتح علي برنامج ال Utorrent




    وهو لوحده هيبدأ التحميل Smile

    مثلا عايز برنامج الفوتوشوب

    هاكتب في مربع البحث Photoshop

    واشوف النتايج

    اكيد كتير هنعملها فرز الاول باننا نضغط علي Software لانه برنامج

    تاني شئ ابص ع الاحجام و منظقيا اختار اللي حجمه قريب

    لما تتشابه النتايج
    بنختار حسب ال Leechers و ال Seeds

    طيب دول ايه ؟؟

    ال Leechers دول اللي بيحملوا البرنامج معاك حاليا

    ال Seeds دول اللي انتهوا من تحميل البرنامج فعليا
    بس انت بتسحب منهم يعني بتحمل منهم
    وكل ما عددهم زاد كل ما ضمنت سرعه كويسه Smile

    اذن هأختار اكتر عدد من ال Seeds لان بالعقل كده دول اللي حملوا البرنامج
    وكل ماكتروا يعني راضيين ان البرنامج او الفيلم او اي شئ نجح تحميله فعلا

    اذن هاختار اكبر عدد زي ماقلنا مع ملاحظة اننا نبص ع الاسم
    هنا هو ابن حلال كاتب البرنامج زائد رقم التفعيل KG

    المهم هاختار



    و كالعاده اختر Download This Torrent



    و Save



    هيظهرلك ايقونه علي سطح المكتب طبعا



    اضغط عليها و هي هتوديك ع البرنامج


    دلوقت البرنامج بيتحمل
    ودي صوره للتحميل حاليا من علي جهازي




    والخطوه اللي جايه بمليون جنيه
    وللعلم انا اللي عملتها و نفعت معايا


    قديما
    لاحظت ان السرعه العاديه 10 كيلو بايت او 15 كيلوبايت
    ساعات تعلي و ساعات تقل
    وكنت اجرب في ارقام ال بورت و الاعدادت في برنامج التورنت

    لكن دلوقت زي ماقلتلك في اول مشاركه
    سيب كل حاجة زي ماهي و بس اختار سرعة الدي اس ال بتاعتك

    وجرب الحل اللي اكتشفته
    الطريقه السحريه هي


    بكل بساطه و عكس ماالكل بيقول
    هتقلل سرعة الرفع الي 1 كيلو بايت

    كلام صعب ؟؟

    طيب نطبقه بالصور

    الطبيعي ان سرعه الرفع Upload Speed
    unlimited يعني غير محدوده

    بالصور ولاحظ في الخلفيه السرعه اد ايه بتاعة الدونلوود

    بكل بساطه اختار 3 كيلو بايت بدل unlimited



    وبعد كده كرر الخطوه مره تانيه

    يعني اقف تاني ع الحاجه اللي بتحملها كليك يمين
    هتلاقي ظهر ضمن الاختيارات ال 1 كيلو بايت
    ااختارها زي الصوره



    استني شويه و لاحظ ان السرعه بتزيد
    والصوره تثبت لك



    طبعا لان انا سرعة جهازي 256 فاعلي سرعه هاحصل عليها 25 - 26 كيلو بايت
    لو انت سرعتك اعلي اكيد هتفرق بردو Smile

    فيه طريقه من اوبشن البرنامج لجعل الابلود 1 كيلو بايت
    بس انا سهلت الطريقه لسهوله الاستيعاب حتي من المبتدئين مع التورنت Smile

    لحد مالحاجه هتتحمل هتلاقيها 100 %
    وهتلاقيك بقيت انت Seed يعني لو حد بيحمل
    هيسحب منك انت
    وبراحتك ممكن بعد ماتحمل الحاجه و تتأكد انك نقلتها تمسحها
    وتحذفها من البرنامج
    - الموضوع مش صعب و ماتتخضش علشان طويل
    هو ببساطه فكرته بسيطه

    " انك بتجيب ملف التورنت من علي الموقع و
    بتشغله في البرنامج بس "

    ................
    ............
    .........
    ....

    - بعض الحيل اللي باعملها عند البحث


    لو عايز فيلم مثلا حديث و بصوره جودتها مثاليه اكتب في البحث
    Dvdrip 2007 << ده مثال

    عند البحث عن العاب يفضل اختيار Eng او En يعني اللعبه انجليزيه
    لان ممكن اللعبه تكون بمحتواها لغات تانيه فرنسيه و ايطاليه و غيره
    وده بيخلي حجم اللعبه اكبر و بالتالي تاخد وقت اكبر عند التحميل

    عند تحميل برامج يفضل ملاحظه الكلمات Full او +KG او Inc Key

    عند تحميل موسيقي لفيلم معين اكتب كلمه من الفيلم و جنبها Soundtrack

    عند تحميل حلقات لمسلسل زي هرقليز او Prison Break وعايزها كامله
    يعني تحملها حته واحده اكتب كلمة entire او Season وبردو لاحظ الحجم عشان تتأكد
    لو كامله اكيد بتعدي ال 6 جيجا


    - التورنتات مفيده اكتر في الحاجات الانجليزيه و الاجنبيه
    بمعني افلام اجنبي ، العاب عالميه ، برامج كامله بكراكتها
    البومات اجنبيه كامله ، حلقات مصارعه

      الوقت/التاريخ الآن هو الجمعة مايو 25, 2018 5:30 am